This is the Lalitha Sahasranamam compiled from the work of Sri Mahadeva Sastrigal. He has compiled the 1000 names of Sri Lalithambika without repititions. I have corrected only some printing mistakes .
This is in Devanagari . There is a difference between the letters ल and ळ . ळ is pronounced as the L in colour or cloud. Although there is a saying in Sanskrit, लळयोरभेदः, that is, there is no difference in both these letters, sometimes there is a difference. Like in कुलम् which means a lineage and कुळम् which is a method of Shakthi pooja. But many do not differentiate between these two. They just use the word ल everywhere. There may not be a need to, I suppose.
बहुजन समक्षं मम इदं उद्यमं विनयपुरस्ससरं समर्पयामि । I present this endeavour of mine before the general public, with humility. Hoping that this will be of use to someone.
॥ श्री ललिता सहस्रनामस्तोत्रम् ॥
ॐ
ध्यानम्
अरुणां करुणा तरङ्गिताक्षीं धृत पाशाङ्कुश पुष्प बाणचापां ।
अणिमादिभिरावृतां मयूखैः अहमित्येव विभावये भवानीं ॥
ध्यायेत् पद्मासनस्थां विकसित वदनां पद्मपत्रायताक्षीं
हेमाभां पीतवस्त्रां करकलित लसद् हेमपद्मां वरांगीं ।
सर्वालङ्कारयुक्तां सततमभयदां भक्त नम्रां भवानीं
श्रीविद्यां शान्त मूर्तिं सकल सुरनुतां सर्व सम्पत्-प्रदात्रीम् ॥
सकुङ्कुम विलेपनां अळिकचुंबि कस्तूरिकां
समन्दहसितेक्षणां सशरचाप पाशाङ्कुशां ।
अशेष जन मोहिनीं अरुण माल्य भूषोज्वलां
जपाकुसुम भासुरां जपविधौ स्मरेद् अम्बिकां ॥
सिन्दूरारुण विग्रहां त्रिनयनां माणिक्यमौलिस्फुरत्
ताारानायक शेखरां स्मितुखीं आपीन वक्षोरुहां ।
पाणिभ्यां अळिपूर्ण रत्नचषकं रक्तोत्पलं बिभ्रतीं
सौम्यां रत्न घटस्थ रक्त चरणां ध्यायेत् परां अम्बिकाम् ॥
ॐ
श्रीमाता, श्रीमहाराज्ञी, श्रीमत्-सिंहासनेश्वरी ।
चिदग्निकुण्ड संभूता, देवकार्यसमुद्यता ॥ 1 ॥
उद्यद्भानुसहस्राभा, चतुर्बाहुसमन्विता ।
रागस्वरूपपाशाढ्या, क्रोधाकाराङ्कुशोज्वला ॥ 2 ॥
मनोरूपेक्षुकोदण्डा, पञ्चतन्मात्रसायका ।
निजारुणप्रभापूरमज्जद्-ब्रह्माण्डमण्डला ॥ 3 ॥
चम्पकाशोक पुन्नाग सौगन्धिक लसत् कचा ।
कुरुविन्द मणिश्रेणी कनत्कोटीरमण्डिता ॥ 4 ॥
अष्टमी चन्द्र विभ्राजदळिकस्थल शोभिता
मुख चन्द्र कळङ्काभ मृगनाभि विशेषका ॥ 5 ॥
वदन स्मर मांगल्यगृह तोरणचिल्लिका ।
वक्त्रलक्ष्मी परीवाह चलन् मीनाभ लोचना ॥ 6 ॥
नव चम्पक पुष्पाभ नासादण्डविराजिता ।
ताराकान्ति तिरस्कारि नासाभरण भासुरा ॥ 7 ॥
कदम्बमञ्जरी क्ळिप्त कर्णपूर मनोहरा ।
ताटङ्कयुगळीभूत तपनोडुप मण्डला ॥ 8 ॥
पद्मरागशिलादर्श परिभावि कपोलभूः ।
नवविद्रुमबिम्बश्रीन्यक्कारि दशनच्छदा ॥ 9 ॥
शुद्ध विद्यङ्कुराकार द्विजपङ्ति द्वयोज्वला
कर्पूर वीटिकामोद समाकर्षद्दिगन्तरा ॥ 10 ॥
निज सल्लाप माधुर्य विनिर्भत्सित कच्छपी ।
मन्दस्मितप्रभापूर मज्जत्-कामेशमानसा ॥ 11 ॥
अनाकलित सादृश्य चुबुकश्री विराजिता ।
कामेश बद्ध माङ्गल्य सूत्र शोभित कन्धरा ॥12 ॥
कनकाङ्गद केयूर कमनीयभुजान्विता ।
रत्नगॅैवेय चिन्ताक लोल मुक्ताफलान्विता ॥ 13 ॥
कामेश्वर प्रेमरत्न मणि प्रतिपण स्तनी ।
नाभ्यालवाल रोमाळि लताफल कुचद्वयी ॥ 14 ॥
लक्ष्य रोमलताधारता समुन्नेयमध्यमा ।
स्तन भार दलन् मध्य पट्टबन्धवलित्रया ॥ 15 ॥
अरुणारुण कौसुम्भ वस्त्र भास्वत्-कटीतटी ।
रत्नकिङ्किणिका रम्य रशनादामभूषिता ॥ 16 ॥
कामेश ज्ञात सौभाग्य मार्दवोरु द्वयान्विता ।
माणिक्य मकुटाकार जानुद्वय विराजिता ॥ 17 ॥
इन्द्रगोप परिक्षिप्त स्मर तूणाभ जङ्घिका ।
गूढ गुल्फा, कूर्मपृष्ठ जयिष्णु प्रपदान्विता ॥ 18 ॥
नख दीधिति संच्छन्न नमज्जन तमोगुणा ।
पदद्वयप्रभाजाल पराकृत सरोरुहा ॥19 ॥
शिञ्जान मणि मञ्जीर मण्डित श्री पदाम्बुजा ।
मराळी मन्द गमना, महा लावण्य शेवधिः ॥ 20 ॥
सर्वारुणा, ऽनवद्याङ्गी, सर्वाभरण भूषिता ।
शिव कामेश्वराङ्कस्था,शिवा, स्वाधीनवल्लभा ॥21॥
सुमेरु मध्य शृङ्गस्था, श्रीमन्नगर नायिका ।
चिन्तामणि गृहान्तस्था, पञ्च ब्रह्मासन स्थिता ॥ 22 ॥
महा पद्माटवी संस्था, कदम्ब वन वासिनी ।
सुधासागर मध्यस्था, कामाक्षी, कामदायिनी ॥ 23 ॥
देवर्षिगण संघात स्तूयमानात्म वैभवा ।
भण्डासुर वधोद्युक्त शक्ति सेना समन्विता ॥ 24 ॥
सम्पत्करी समारूढ सिन्धुर व्रज सेविता ।
अश्वारूढाऽधिष्ठिताऽश्वकोटि कोटिभिरावृता ॥ 25 ॥
चक्रराज रथारूढ सर्वायुध परिष्कृता ।
गेयचक्र रथारूढ मन्त्रिणी परिसेविता ॥ 26 ॥
किरि चक्र रथारूढ दण्डनाथापुरस्कृता ।
ज्वालामालिनिका क्षिप्त वह्नि प्राकार मध्यगा ॥ 27 ॥
भण्ड सैन्य वधोद्युक्त शक्ति विक्रम हर्षिता ।
नित्या पराक्रमाटोप निरीक्षण समुत्सुका ॥ 28 ॥
भण्ड पुत्र वधोद्युक्त बाला विक्रम नन्दिता ।
मन्त्रिण्यम्बा विरचित विषङ्ग वध तोषिता ॥ 29 ॥
विशुक्र प्राण हरण वाराही वीर्यनन्दिता ।
कामेश्वरमुखालोक कल्पित श्रीगणेश्वरा ॥ 30 ॥
महा गणेश निर्भिन्न विघ्नयन्त्र प्रहर्षिता ।
भण्डासुरेन्द्र निर्मुक्त शस्त्र प्रत्यस्त्र वर्षिणी ॥ 31॥
कराङ्गुलि नखोत्पन्न नारायण दशाकृतिः ।
महा पाशुपतास्त्रग्नि निर्दग्धासुर सैनिका ॥ 32 ॥
कामेश्वरास्त्र निर्दग्ध सभण्डासुर शून्यका ।
ब्रह्मोपेन्द्र महेन्द्रादि देव संस्तुत वैभवा ॥ 33॥
हर नेत्राग्नि सन्दग्ध काम सञ्जीवनौषधिः ।
श्रीमद् वाग्भव कूटैक स्वरूप मुख पङ्कजा ॥ 34 ॥
कण्ठाधः कटि पर्यन्त मध्यकूट स्वरूपिणी ।
शक्तिकूटैकतापन्न कट्यधोभाग धारिणी ॥ 35 ॥
मूलमन्त्रात्मिका, मूल कूटत्रयकळेबरा ।
कुळामृतैक रसिका, कुळ सङ्केत पालिनी ॥ 36 ॥
कुलाङ्गना, कुलान्तस्था, कौळिनी, कुळयोगिनी ।
अकुळा, समयान्तस्था, समयाचार तत्परा ॥ 37 ॥
मूलाधारैक निलया, ब्रह्म ग्रन्थि विभेदिनी ।
मणिपूरान्तरुदिता, विष्णुग्रन्थि विभेदिनी ॥ 38 ॥
आज्ञा चक्रान्तराळस्था, रुद्र ग्रन्थिविभेदिनी ।
सहस्राराम्बुजारूढा, सुधासाराभिवर्षिणी ॥ 39 ॥
तटिल्लता समरुचिः, षड्चक्रोपरि संस्थिता ।
महासक्तिः, कुण्डलिनी, बिसतन्तु तनीयसी ॥ 40 ॥ (It is महासक्तिः Not महाशक्तिः )
भवानी, भावनागम्या, भवारण्य कुठारिका ।
भद्रप्रिया, भद्रमूर्ति, र्भक्तसौभाग्यदायिनी ॥ 41 ॥
भक्तिप्रिया, भक्तिगम्या, भक्तिवश्या, भयापहा ।
शाम्भवी, शारदाराध्या,शर्वाणी, शर्म दायिनी ॥ 42॥
शाङ्करी, श्रीकरी, साध्वी, शरच्चन्द्र निभानना ।
शातोदरी, शान्तिमती, निराधारा, निरञ्जना ॥ 43 ॥
निर्ल्लेपा, निर्मला, नित्या,निराकारा, निराकुला ।
निर्गुणा, निष्कला,शान्ता, निष्कामा, निरुपप्ळवा ॥ 44 ॥
नित्यमुक्ता, निर्विकारा,निष्प्रपञ्चा, निराश्रया ।
नित्य शुद्धा, नित्य बुद्धा, निरवद्या,निरन्तरा ॥ 45 ॥
निष्कारणा, निष्कळङ्का, निरुपाधि, र्न्निरीश्वरा । (निरुपाधिः निरीश्वरा )
नीरागा, रागमथनी, निर्मदा, मदनाशिनी ॥ 46 ॥
निश्चिन्ता, निरहङ्कारा, निर्मोहा, मोहनाशिनी ।
निर्ममा, ममता हन्त्री, निष्पापा, पापनाशिनी ॥ 47 ॥
निष्क्रोधा, क्रोध शमनी, निर्लोभा, लोभ नाशिनी ।
निस्संशया, संशयघ्नी, निर्भवा, भवनाशिनी ॥ 48 ॥
निर्विकल्पा, निराबाधा, निर्भेदा, भेदनाशिनी ।
निर्नाशा, मृत्यु मथनी, निष्क्रिया, निष्परिग्रहा ॥ 49॥
निस्तुला, नील चिकुरा, निरपाया, निरत्यया ।
दुर्लभा, दुर्गमा, दुर्गा, दुःख हन्त्री, सुखप्रदा ॥ 50 ॥
दुष्टदूरा, दुराचार शमनी, दोषवर्जिता ।
सर्वज्ञा, सान्द्र करुणा, समानाधिक वर्जिता ॥ 51 ॥
सर्व शक्तिमयी, सर्वमङ्गला, सद्गतिप्रदा ।
सर्वेश्वरी, सर्वमयी, सर्व मन्त्र स्वरूपिणी ॥ 52 ॥
सर्व यन्त्रात्मिका, सर्वतन्त्ररूपा, मनोन्मनी ।
माहेश्वरी,महादेवी, महालक्ष्मी, र्मृडप्रिया ॥ 53 ॥ ( महालक्ष्मीः, मृडप्रिया)
महारूपा, महापूज्या, महा पातक नाशिनी ।
महामाया, महासत्वा, महाशक्ति, र्महारतिः ॥ 54 ॥ (महाशक्तिः,महारतिः)
महाभोगा,महैश्वर्या, महावीर्या,महाबला ।
महाबुद्धि,र्महासिद्धि, र्महायोगीश्वरेश्वरी ॥ 55 ॥
महातन्त्रा,महामन्त्रा, महायन्त्रा, महासना ।
महायागक्रमाराध्या, महाभैरव पूजिता ॥ 56 ॥
महेश्वर महाकल्प महाताण्डव साक्षिणी ।
महाकामेश महिषी, महा त्रिपुर सुन्दरी ॥ 57 ॥
चतुष्षष्ट्युपचाराढ्या, चतुष्षष्टि कलामयी ।
महाचतुष्षष्टिकोटि योगिनीगण सेविता ॥ 58 ॥
मनुविद्या, चन्द्रविद्या, चन्द्र मण्डल मध्यगा ।
चारुरूपा, चारुहासा, चारु चन्द्रकला धरा ॥ 59॥
चराचर जगन्नाथा, चक्रराज निकेतना ।
पार्वती, पद्म नयना, पद्मरागसमप्रभा ॥ 60 ॥
पञ्च प्रेतासनासीना, पञ्च ब्रह्मस्वरूपिणी ।
चिन्मयी, परमानन्दा, विज्ञान घन रूपिणी ॥ 61 ॥
ध्यान ध्यातृ ध्येय रूपा ,धर्माऽधर्म विवर्जिता ।
विश्वरूपा, जागरिणी, स्वपन्ती, तैजसात्मिका ॥ 62 ॥
सुप्ता, प्राज्ञात्मिका, तुर्या, सर्वावस्थाविवर्जिता ।
सृष्टिकर्त्री, ब्रह्म रूपा, गोप्त्री, गोविन्द रूपिणी ॥ 63 ॥
संहारिणी,रुद्ररूपा, तिरोधानकरीश्वरी । ( तिरोधानकरी, ईश्वरी )
सदाशिवा, ऽनुग्रहदा, पञ्चकृत्य परायणा ॥ 64 ॥
भानुमण्डल मध्यस्था, भैरवी,भगमालिनी ।
पद्मासना, भगवती, पद्मनाभ सहोदरी ॥ 65॥
उन्मेष नमिषोत्पन्न विपन्न भुवनावलिः ।
सहस्र शीर्ष वदना, सहस्राक्षी, सहस्रपाद् ॥ 66 ॥
आब्रह्म कीटजननी, वर्णाश्रम विधायिनी ।
निजाज्ञारूप निगमा, पुण्याऽपुण्यफलप्रदा ॥ 67 ॥
श्रुति सीमन्त सिन्दूरीकृत पादाब्ज धूळिका ।
सकलागम सन्दोह शुक्ति सम्पुट मौक्तिका ॥ 68 ॥
पुरुषार्थप्रदा, पूर्णा, भोगिनी, भुवनेश्वरी ।
अम्बिका, अनादि निधना, हरि ब्रह्मेन्द्र सेविता ॥ 69 ॥
नारायणी,नादरूपा, नामरूप विवर्जिता ।
ह्रीङ्कारी, ह्रीमती, हृद्या, हेयोपादेयवर्जिता ॥ 70 ॥
राजराजार्चिता, राज्ञी, रम्या, राजीव लोचना ।
रञ्जनी,रमणी, रस्या, रणत् किङ्किणि मेखला ॥ 71 ॥
रमा, राकेन्दु वदना, रति रूपा,रतिप्रिया ।
रक्षाकरी, राक्षसघ्नी, रामा, रमण लम्पटा ॥ 72 ॥
काम्या, कामकलारूपा, कदम्ब कुसुमप्रिया ।
कल्याणी, जगतीकन्दा, करुणारस सागरा ॥ 73 ॥
कलावती, कलालापा, कान्ता, कादम्बरीप्रिया ।
वरदा, वामनयना, वारुणाी मद विह्वला ॥ 74 ॥
विश्वाधिका, वेदवेद्या, विन्ध्याचल निवासिनी ।
विधात्री, वेद जननी, विष्णुमाया, विलासिनी ॥ 75॥
क्षेत्र स्वरूपा, क्षेत्रेशी, क्षेत्र क्षेत्रज्ञ पालिनी ।
क्षयवृद्धि विनिर्मुक्ता, क्षेत्रपाल समर्चिता ॥ 76 ॥
विजया, विमला, वन्द्या, वन्दारुजन वत्सला ।
वाग्वादिनी,वामकेशी, वह्नि मण्डल वासिनी ॥ 77 ॥
भक्तिमत् कल्प लतिका, पशुपाश विमोचिनी ।
संहृताशेष पाषण्डा, सदाचार प्रवर्तिका ॥ 78 ॥
तापत्रयाग्नि सन्तप्त समाह्लादन चन्द्रिका ।
तरुणी, तापसाराध्या, तनुमध्या, तमोपहा ॥ 79 ॥
चितिः, तत्पद लक्ष्यार्था, चिदेकरस रूपिणी ।
स्वात्मानन्द लवीभूत ब्रह्माद्यानन्द सन्ततिः ॥ 80 ॥
परा, प्रत्यक् चितीरूपा, पश्यन्ती, परदेवता ।
मध्यमा, वैखरी रूपा, भक्त मानस हंसिका ॥ 81 ॥
कामेश्वर प्राणनाडी,कृतज्ञा, कामपूजिता ।
श्रृङ्गार रस सम्पू्णा, जया,जालन्धर स्थिता ॥ 82 ॥
ओड्याण पीठ निलया, बिन्दु मण्डल वासिनी ।
रहोयागक्रमाराध्या, रहस्तर्पण तर्पिता ॥ 83 ॥
सद्यःप्रसादिनी, विश्व साक्षिणी, साक्षि वर्जिता ।
षडङ्ग देवता युक्ता, षाड्गुण्यपरिपूरिता ॥ 84 ॥
नित्य क्लिन्ना, निरुपमा, निर्वाण सुख दायिनी ।
नित्याषोडशिका रूपा, श्रीकण्ठार्ध शरीरिणी ॥ 85 ॥
प्रभावती, प्रभारूपा, प्रसिद्धा, परमेश्वरी ।
मूलप्रकृति, रव्यक्ता, व्यक्ताऽव्यक्त स्वरूपिणी ॥ 86 ॥ ( मूलप्रकृतिः, अव्यक्ता ).
व्यापिनी, विविधाकारा, विद्याऽविद्या स्वरूपिणी । (विद्या अविद्या स्वरूपिणी. one word)
महा कामेश नयन कुमुदाह्लाद कौमुदी ॥ 87 ॥
भक्त हार्द तमो भेद भानुमत् भानुसन्ततिः ।
शिवदूती, शिवाराध्या, शिवमूर्ति, र्शिवङ्करी ॥ 88 ॥ ( शिवमूर्तिः, शिवङ्करी)
शिवप्रिया, शिवपरा, शिष्टेष्टा, शिष्ट पूजिता ।
अप्रमेया, स्वप्रकाशा, मनो वाचा मगोचरा ॥ (वाचां अगोचरा) ॥ 89 ॥
चिच्छक्ति, श्चेतनारूपा, जडशक्ति, र्जडात्मिका । ( चिच्छक्तिः, चेतनरूपा, जडशक्तिः, जडात्मिका )
गायत्री, व्याहृतिः, सन्ध्या, द्विजवृन्द निषेविता ॥ 90 ॥
तत्वासना, तत्, त्वं, अयी, पञ्च कोशान्तर स्थिता ।
निस्सीम महिमा, नित्य यौवना, मदशालिनी ॥ 91 ॥
मदघूर्णित रक्ताक्षी, मद पाटल गण्डभूः ।
चन्दन द्रव दिग्धाङ्गी, चाम्पेय कुसुम प्रिया ॥ 92 ॥
कुशला, कोमळाकारा, कुरुकुल्ला, कुलेश्वरी ।
कुळकुण्डालया, कौळमार्ग तत्पर सेविता ॥ 93 ॥
कुमार गणनाथाम्बा, तुष्टिः पुष्टि, र्मति, र्धृतिः । (तुष्टिः, पुष्टिः, मतिः, धृतिः)
शान्तिः, स्वस्तिमती, कान्ति, र्नन्दिनी, विघ्ननाशिनी ॥ 94 ॥( कान्तिः, नन्दिनी )
तेजोवती, त्रिनयना, लोलाक्षीकामरूपिणी ।
मालिनी,हंसिनी, माता, मलयाचल वासिनी ॥ 95 ॥
सुमुखी, नलिनी, सुभ्रूः, शोभना, सुरनायिका ।
कालकण्ठी, कान्तिमती, क्षोभिणी, सूक्ष्म रूपिणी ॥ 96॥
वज्रेश्वरी, वामदेवी, वयोवस्था विवर्जिता ।
सिद्धेश्वरी, सिद्धविद्या, सिद्धमाता, यशस्विनी ॥ 97 ॥
विशुद्धिचक्र निलया,ऽरक्तवर्णा, त्रिलोचना । ( विशुद्धिचक्र निलया, आरक्तवर्णा, त्रिलोचना)
खट्वाङ्गादि प्रहरणा, वदनैकसमन्विता ॥ 98 ॥
पायसान्नप्रिया, त्वक्स्था, पशुलोक भयङ्करी ।
अमृतादि महाशक्ति संवृता, डाकिनीश्वरी ॥ 99॥
अनाहताब्ज निलया, श्यामाभा, वदनद्वया ।
दंष्ट्रोज्वला, ऽक्षमालादि धरा, रुधिरसंस्थिता ॥ 100 ॥
काळरात्र्यदि शक्त्यौघ वृता, स्निग्धौदन प्रिया ।
महावीरेन्द्र वरदा, राकिण्यम्बा स्वरूपिणी ॥ 101 ॥
मणिपूराब्ज निलया, वदनत्रयसंयुता ।
वज्रादिकायुधोपेता, डामर्यादिभिरावृता ॥ 102 ॥
रक्तवर्णा, मांसनिष्ठा, गुडान्न प्रीत मानसा ।
समस्त भक्त सुखदा, लाकिन्यम्बा स्वरूपिणी ॥ 103 ॥
स्वाधिष्ठानाम्बुजगता, चतुर्वक्त्र मनोहरा ।
शूलाद्यायुध सम्पन्ना, पीतवर्णा, ऽतिगर्विता ॥ 104 ॥ (पीतवर्णा, अतिगर्विता)
मेदोनिष्ठा, मधुप्रीता, बन्दिन्यादि समन्विता ।
दध्यन्नासक्त हृदया,काकिनीरूप धारिणी ॥ 105 ॥
मूलाधाराम्बुजारूढा, पञ्चवक्त्राऽस्थि संस्थिता ।
अङकुशादिप्रहरणा, वरदादि निषेविता ॥ 106 ॥
मुद्गौदनासक्त चित्ता, साकिन्यम्बा स्वरूपिणी ।
आज्ञा चक्राब्ज निलया, शुक्ळवर्णा, षडानना ॥ 107 ॥
मज्जासंस्था, हंसवतीमुख्य शक्तिसमन्विता ।
हरिद्रान्नैक रसिका, हाकिनीरूप धारिणी ॥ 108 ॥
सहस्र दल पद्मस्था, सर्व वर्णोपशोभिता, ।
सर्वायुधधरा, शुक्ळ संस्थिता, सर्वतोमुखी ॥ 109 ॥
सर्वौदन प्रीतचित्ता, याकिन्यम्बा स्वरूपिणी ।
स्वाहा, स्वधा, ऽमति, र्मेधा, श्रुतिः,स्मृति, रनुत्तमा ॥ 110 ॥ ( अमतिः, मेधा ) ( स्मृतिः, अनुत्तमा)
पुण्यकीर्तिः, पुण्यलभ्या, पुण्यश्रवण कीर्तना ।
पुलोमजार्चिता,बन्ध मोचिनी, बर्बराळका ॥ 111 ॥
विमर्शरूपिणी,विद्या, वियदादि जगत् प्रसूः
सर्व व्याधि प्रशमनी, सर्व मृत्यु निवारिणी ॥ 112 ॥
अग्रगण्या, अचिन्त्य रूपा, कलिकन्मष नाशिनी ।
कात्यायनी, कालहन्त्री, कमलाक्ष निषेविता ॥ 113 ॥
ताम्बूल पूरित मुखी, दाडिमी कुसुम प्रभा ।
मृगाक्षी, मोहिनी, मुख्या, मृडानी, मित्र रूपिणी ॥ 114 ॥
नित्य तृप्ता, भक्त निधि, र्नियन्त्री, निखिलेश्वरी । (भक्तनिधिः, नियन्त्री)
मैत्र्यादि वासना लभ्या, महाप्रलय साक्षिणी ॥115 ॥
पराशक्तिः, परा निष्ठा,प्रज्ञानघन रूपिणी ।
माध्वीपानालसा, मत्ता, मातृकावर्ण रूपिणी ॥ 116 ॥
महाकैलास निलया, मृणाळ मृदुदोर्ल्लता ।
महनीया, दयामूर्त्ति, र्महासाम्राज्यशालिनी ॥ 117 ॥ (दयामूर्तिः, महासाम्राज्यशालिनी )
आत्मविद्या, महाविद्या, श्रीविद्या, कामसेविता ।
श्रीषोडशाक्षरीविद्या, त्रिकूटा, कामकोटिका ॥ 118 ॥
कटाक्ष किङ्करीभूत कमलाकोटि सेविता ।
शिरःस्थिता, चन्द्रनिभा, फालस्थेन्द्रधनुःप्रभा ॥ 119 ॥ ( फालस्था, इन्द्रधनुःप्रभा)
हृदयस्था, रविप्रख्या, त्रिकोणान्तर दीपिका ।
दाक्षायणी, दैत्य हन्त्री, दक्षयज्ञ विनाशिनी ॥ 120 ॥
दरान्दोलित दीर्घाीक्षी, दर हासोज्ज्वलन्मुखी ।
गुरुमूर्ति, र्गुणनिधि, र्गोमाता, गुह जन्मभूः ॥ 121 ॥ (गुरुमूर्तिः, गुणनिधिः, गोमाता)
देवेशी, दण्डनीतिस्था, दहराकाश रूपिणी ।
प्रतिपन्मुख्य राकान्ततिथिमण्डल पूजिता ॥ 122 ॥
कलात्मिका, कलानाथा, काव्यालाप विनोदिनी ।
सचामर रमा वाणी सव्य दक्षिण सेविता ॥ 123 ॥
आदिशक्ति, रमेया, ऽत्मा, परमा, पावनाकृतिः । (आदिशक्तिः, अमेया, आत्मा )
अनेककोटिब्रह्माण्ड जननी, दिव्य विग्रहा ॥ 124 ॥
क्ळीङ्कारी, केवला, गुह्या, कैवल्य पददायिनी ।
त्रिपुरा, त्रिजगद्वन्द्या, त्रिमूर्ति, स्त्रिदशेश्वरी ॥ 125 ॥ (त्रिमूर्तिः, त्रिदशेश्वरी )
त्र्यक्षरी, दिव्यगन्धाढ्या, सिन्दूर तिलकाञ्चिता ।
उमा, शैलेन्द्र तनया, गौरी, गन्धर्वसेविता ॥ 126 ॥
विश्वगर्भा, स्वर्ण गर्भा, ऽवरदा, वागधीश्वरी । (स्वर्ण गर्भा,अवरदा, )
ध्यानगम्या, ऽपरिच्छेद्या, ज्ञानदा, ज्ञानविग्रहा ॥ 127 ॥ (ध्यानगम्या, अपरिच्छेद्या)
सर्व वेदान्त संवेद्या, सत्यानन्द स्वरूपिणी ।
लोपामुद्रार्चिता, लीलाक्ळिप्तब्रह्माण्ड मण्डला ॥ 128 ॥
अदृश्या, दृश्यरहिता, विज्ञात्री, वेद्य वर्जिता ।
योगिनी, योगदा, योग्या, योगानन्दा, युगन्धरा ॥ 129 ॥
इच्छाशक्तिज्ञानशक्तिक्रियाशक्तिस्वरूपिणी ।
सर्वाधरा, सुप्रतिष्ठा, सदसद्रूप धारिणी ॥ 130 ॥ ( सद् असद् रूपधारिणी one word)
अष्टमूर्ति, रजाजैत्री ,लोकयात्रा विधायिनी । (अष्टमूर्तिः, अजाजैत्री )
एकाकिनी, भूमरूपा, निर्द्वैता, द्वैतवर्जिता ॥ 131 ॥
अन्नदा, वसुदा, वृद्धा, ब्रह्मात्म्यैक्य स्वरूपिणी ।
बृहती, ब्राह्मणी, ब्राह्मी ब्रह्मानन्दा, बलिप्रिया ॥ 132 ॥
भाषारूपा, बृहत्सेना, भावाभावविवर्जिता ।(भाव अभाव)
सुखाराध्या, शुभकरी, शोभनासुलभागतिः ॥ 133 ॥
राजराजेश्वरी, राज्य दायिनी, रा्ज्यवल्लभा ।
राजत्कृपा, राजपीठ निवेशित निजाश्रिता ॥ 134 ॥
राज्यलक्ष्मीः, कोशनाथा, चतुरङ्गबलेश्वरी ।
साम्राज्यदायिनी, सत्यसन्धा, सागरमेखला ॥ 135 ॥
दीक्षिता, दैत्य शमनी, सर्वलोक वशङ्करी ।
सर्वार्थदात्री, सावित्री, सच्चिदानन्द रूपिणी ॥ 136 ॥
देशकालाऽपरिच्छिन्ना, सर्वगा,सर्व मोहिनी ।
सरस्वती, शास्त्रमयी, गुहाम्बा, गुह्यरूपिणी ॥ 137 ॥
सर्वोपाधिविनिर्मुक्ता, सदाशिव पतिव्रता ।
सम्प्रदायेश्वरी, साधुः, ई, गुरुमण्डल रूपिणी ॥ 138 ॥
कुळोत्तीर्णा, भगाराध्या, माया, मधुमती, मही ।
गणाम्बा,गुह्यकाराध्या,कोमळाङ्गी, गुरुप्रिया ॥ 139 ॥
स्वतन्त्रा, सर्व तन्त्रेशी, दक्षिणामूर्ति रूपिणी ।
सनकादि समाराध्या, शिवज्ञान प्रदायिनी ॥ 140 ॥
चित्कला, ऽनन्दकलिका, प्रेमरूपा, प्रियङ्करी ।
नामपारायणप्रीता, नन्दिविद्या, नटेश्वरी ॥ 141 ॥
मिथ्या जगदधिष्ठाना, मुक्तिदा, मुक्ति रूपिणी ।
लास्यप्रिया, लयकरी, लज्जा, रम्भादि वन्दिता ॥ 142 ॥
भवदाव सुधावृष्टिः, पापारण्य दवानला ।
दौर्भाग्य तूल वातूला, जराध्वान्त रविप्रभा ॥ 143 ॥
भाग्याब्धि चन्द्रिका, भक्त चित्त केकि घनाघना, ।
रोगपर्वत दम्भोळि, र्मृत्यु दारु कुठारिका ॥ 144 ॥ (दम्भोळिः, मृत्युदारुकुठारिका )
महेश्वरी, महाकाळी, महाग्रासा, महाशना ।
अपर्णा, चण्डिका, चण्ड मुण्डासुर निषूदिनी ॥145 ॥
क्षराक्षरात्मिका, सर्व लोकेशी, विश्व धारिणी ।
त्रिवर्ग दात्री, सुभगा, त्र्यंबका, त्रिगुणात्मिका ॥ 146 ॥
स्वर्गापवर्गदा, शुद्धा, जपापुष्प निभाकृतिः ।
ओजोवती, द्युतिधरा, यज्ञरूपा, प्रियव्रता ॥ 147 ॥
दुराराध्या, दुराधर्षा, पाटलीकुसुम प्रिया ।
महती, मेरु निलया, मन्दार कुसुमप्रिया ॥ 148 ॥
वीराराध्या, विराट् रूपा, विरजा, विश्वतोमुखी । (विरजाः)
प्रत्यग्रूपा, पराकाशा, प्राणदा, प्राण रूपिणी ॥ 149 ॥
मार्ताण्डभैरवाराध्या, मन्त्रिणी न्यस्त राज्य धूः ।
त्रिपुरेशी, जयत्सेना, निस्त्रैगुण्या,परापरा ॥ 150 ॥
सत्यज्ञानानन्दरूपा, सामरस्य परायणा ।
कपर्दिनी, कलामाला, कामधुक्, कामरूपिणी ॥ 151 ॥
कलानिधिः, काव्यकला, रसज्ञा,रस शेवधिः ।
पुष्टा, पुरातना, पूज्या, पुष्करा, पुष्करेक्षणा ॥ 152 ॥
परंज्योतिः, परं धाम, परमाणुः, परात्परा ।
पाशहस्ता, पाशहन्त्री, परमन्त्र विभेदिनी ॥ 153 ॥
मूर्ता, अमूर्ता, अनित्यतृप्ता, मुनिमानस हंसिका ।
सत्यव्रता, सत्यरूपा, सर्वान्तर्यमिनी, सती ॥ 154 ॥
ब्रह्माणी, ब्रह्म, जननी, बहुरूपा, बुधार्चिता ।
प्रसवित्री, प्रचण्डा, ऽज्ञा, प्रतिष्ठा, प्रकटाकृतिः ॥ 155 ॥ (प्रचण्डा, आज्ञा)
प्राणेश्वरी, प्राणदात्री,पञ्चाशत्पीठरूपिणी ।
विश्रृङ्खला, विविक्तस्था, वीरमाता, वियत् प्रसूः ॥ 156 ॥
मुकुन्दा, मुक्तिनिलया, मूलविग्रहरूपिणी ।
भावज्ञा, भवरोगघ्नी, भवचक्र प्रवर्तिनी ॥ 157 ॥
छन्दस्सारा, शास्त्रसारा, मन्त्रसारा, तलोदरी ।
उदारकीर्ति, रुद्दामवैभवा, वर्णरूपिणी ॥ 158 ॥ ( उदारकीर्तिः,उद्दामवैभवा)
जन्म मृत्यु जरा तप्त जन विश्रान्तिदायिनी ।
सर्वोपनिषदुद्घुष्टा, शान्त्त्यतीत कलात्मिका ॥ 159 ॥
गम्भीरा, गगनान्तस्था, गर्विता, गानलोलुपा ।
कल्पनारहिता,काष्ठा, ऽकान्ता, कान्तार्ध विग्रहा ॥ 160 ॥ (काष्ठा, अकान्ता)
कार्य कारण निर्मुक्ता, कामकेलि तरङ्गिता ।
कनत् कनकताटङका, लीला विग्रह धारिणी ॥ 161 ॥
अजा, क्षयविनिर्मुक्ता, मुग्धा, क्षिप्र प्रसादिनी ।
अन्तर्मुख समाराध्या, बहिर्मुख सुदुर्लभा ॥ 162 ॥
त्रयी, त्रिवर्ग निलया,त्रिस्था, त्रिपुर मालिनी ।
निरामया, निरालम्बा, स्वात्मारामा, सुधासृतिः ॥163 ॥
संसार पङ्क निर्मग्न समुद्धरणपण्डिता ।
यज्ञप्रिया, यज्ञकर्त्री, यजमानस्वरूपिणी ॥ 164 ॥
धर्माधारा, धनाध्यक्षा, धनधान्यविवर्धिनी ।
विप्रप्रिया, विप्ररूपा, विश्व भ्रमणकारिणी ॥ 165 ॥
विश्वग्रासा, विद्रुमाभा, वैष्णवी, विष्णुरूपिणी ।
अयोनि, र्योनिनिलया, कूटस्था, कुळरूपिणी ॥ 166 ॥ ( अयोनिः, योनिनिलया)
वीरगोष्ठिप्रिया, वीरा, नैष्कर्म्या, नादरूपिणी ।
विज्ञान कलना, कल्या, विदग्धा, बैन्दवासना ॥ 167 ॥
तत्वाधिका, तत्वमयी, तत्वमर्थस्वरूपिणी ।
सामगानप्रिया, सोम्या, सदाशिव कटुम्बिनी ॥168 ॥
सव्यापसव्य मार्गस्था, सर्वापद्विनिवारिणी ।
स्वस्था,स्वभाव मधुरा, धीरा, धीरसमर्चिता ॥ 169 ॥
चैतन्यार्घ्य समाराध्या, चैतन्यकुसुमप्रिया ।
सदोदिता, सदातुष्टा, तरुणादित्य पाटला ॥ 170 ॥
दक्षीणाऽदक्षिणाराध्या, दरस्मेर मुखाम्बुजा । ( दक्षिण अदक्षिणराध्या one word)
कालिनी केवला, ऽनर्घ्य कैवल्य पददायिनी ॥ 171 ॥(कालिनीकेवला, अनर्घ्य कैवल्य पददायिनी)
स्तोत्रप्रिया, स्तुतिमती, श्रुतिसंस्तुत वैभवा ।
मनस्विनी, मानवती, महेशी, मङ्गलाकृतिः ॥ 172 ॥
विश्वमाता, जगद्धात्री, विशालाक्षी, विरागिणी ।
प्रगल्भा, परमोदारा, परामोदा, मनोमयी ॥ 173 ॥
व्योमकेशी, विमानस्था, वज्रिणी, वामकेश्वरी ।
पञ्चयज्ञप्रिया, पञ्चप्रेतमञ्चाधिशायिनी ॥ 174 ॥
पञ्चमी, पञ्च भूतेशी, पञ्चसंख्योपचारिणी ।
शाश्वती, शाश्वतैश्वर्या, शर्मदा, शंभु मोहिनी ॥175 ॥
धरा, धरसुता, धन्या, धर्मिणी, धर्म वर्धिनी ।
लोकातीता, गुणातीता, सर्वातीता, शमात्मिका ॥ 176 ॥
बन्धूक कुसुम प्रख्या, बाला,लीलाविनोदिनी ।
सुमङ्गली, सुखकरी, सुवेषाढ्या, सुवासिनी ॥ 177 ॥
सुवासिन्यर्चन प्रीता,ऽऽशोभना, शुद्धमानसा । (आशोभना )
बिन्दु तर्पण सन्तुष्टा, पूर्वजा, त्रिपुराम्बिका ॥ 178 ॥
दशमुद्रा समाराध्या, त्रिपुराश्री वशङ्करी ।
ज्ञानमुद्रा, ज्ञानगम्या, ज्ञानज्ञेयस्वरूपिणी ॥ 179॥
योनिमुद्रा, त्रिखण्डेशी, त्रिगुणा, ऽम्बा, त्रिकोणगा । (त्रिगुणा, अम्बा )
अनघा, अद्भुतचरित्रा, वाञ्छितार्थ प्रदायिनी ॥ 180 ॥
अभ्यासातिशयज्ञाता, षडध्वातीत रूपिणी ।
अव्याज करुणामूर्ति, रज्ञानध्वान्त दीपिका ॥ 181 ॥
(अव्याज करुणामूर्तिः, अज्ञानध्वान्त दीपिका)
आबालगोप विदिता, सर्वानुल्लङ्घ्य शासना ।
श्रीचक्रराज निलया, श्रीमत्त्रिपुरसुन्दरी ॥ 182 ॥
श्रीशिवा, शिवशक्त्यैक्यरूपिणी, ललिताम्बिका ।
एवं श्रीललितादेव्या नाम्नां साहस्रकं जगुः ॥ 183 ॥
॥ श्री ललितासहस्रनामस्तोत्रं सम्पूर्णम् ॥
